Ishte një prirje që erdhi duke u rritur dhe që më vonë u zhvillua në studime bibliografike më të organizuara, të cilat luajtën rol në identifikimin dhe përshkrimin e edicioneve, shtypjeve, ekzemplarëve dhe të çdo elementi tjetër që ka të bëjë me të qenët të informuar rreth asaj që koleksionet bibliotekare, të mëdha ose të vogla, përmbajnë.
Bibliografitë shkojnë që nga listat e veprave të cituara në fund të një libri ose artikulli, thënë ndryshe edhe lista të burimeve të përdorura ose të marra në konsideratë në përgatitjen e një vepre, deri te botime të plota, të veçanta.
Këto të fundit, pra veprat bibliografike, nuk janë tjetër veçse studim dhe përshkrim sistematik i librave si objekte të prekshme, në të cilët listimi i njësive bibliografike bëhet sipas një sistemi apo rendi të caktuar, – thënë shkurt veprat bibliografike janë produkt i këtyre veprimtarive bibliografike.
